Son yeniləmə: 5 Dekabr 2023 11:40
BAYRAQDAR MEDİA – “Azərbaycanda Qazaxıstan mədəniyyət günləri yüksək səviyyədə təşkil edilib. Bu gün Qazaxıstanın mədəniyyət və incəsənət ustalarının iştirakı ilə möhtəşəm qala konserti keçiriləcək. Bununla da Mədəniyyət Günləri başa çatacaq. Yekun qala konsertdə Milli Məclisin sədri, nazirlər, Qafqaz Müsəlmanları İdarəsinin rəisi, diplomatlar, ictimaiyyət və mədəniyyət xadimləri iştirak edəcəklər ”.
Bunu jurnalistlərə açılqmasında qardaş Qazaxıstanın Azərbaycandakı səfiri Alim Bayel deyib.
O, qeyd edib ki, Qazaxıstanla Azərbaycan arasında münasibətlərin dinamikası çox yaxşıdır: “Bu, ilk növbədə, dövlət başçıları arasındakı sıx dialoqun sayəsindədir. Ölkələrimiz siyasi, ticarət-iqtisadi, nəqliyyat-logistika, müdafiə sahələrində əməkdaşlıq edir. Ölkələrimiz arasında bir çox sahələr üzrə səmərəli əməkdaşlıq mövcuddur. Amma, sözsüz ki, mədəni və humanitar əlaqələrin yeri ayrıdır və önəmlidir. Bu mənada, Azərbaycanda Qazaxıstan Mədəniyyət Günləri yüksək səviyyədə təşkil edilib”.
A.Bayel sonda Mədəniyyət Günlərinin təşkilinə görə Azərbaycan və Qazaxıstanın mədəniyyət nazirlərinə təşəkkür edib və iki ölkənin mənafeyi naminə fəaliyyət göstərməyə hazır olduğunu bəyan edib.
