Son yeniləmə: 1 Dekabr 2023 17:35
BAYRAQDAR MEDİA– Azərbaycanda səfərdə olan Özbəkistanın rəqəmsal texnologiyalar naziri Şerzod Şermatovun rəhbərlik etdiyi nümayəndə heyəti “ASAN xidmət” mərkəzinin fəaliyyəti ilə tanış olub.
Bu barədə BAYRAQDAR MEDİA-ya dekabrın 1-də “ASAN xidmət”dən məlumat verilib.
Bildirilib ki, “Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev qonaqlara “ASAN xidmət”, eləcə də Dövlət Agentliyinin digər fəaliyyət istiqamətləri ilə bağlı məlumat verib. Həmçinin “ASAN xidmət” modelinin Özbəkistan da daxil olmaqla müxtəlif ölkələrdə uğurla tətbiq olunduğu vurğulanıb. Qeyd olunub ki, hazırda Özbəkistanda “ASAN xidmət” modeli əsasında 208 xidmət mərkəzi uğurla fəaliyyət göstərir”.
Məlumaat əsasən, görüşdə Dövlət Agentliyi ilə Özbəkistanın müvafiq qurumu arasında əməkdaşlıq perspektivləri müzakirə olunub və startaplara dəstək sahəsində birgə fəaliyyətə dair razılıq əldə olunub: “Qonaqlar “Bilim Bakı” mərkəzinin, “INNOLAND” İnkubasiya və Akselerasiya Mərkəzinin və “ABAD”ın fəaliyyəti ilə yaxından tanış olublar”.
