BAYRAQDAR MEDİA – AMEA Mərkəzi Elmi Kitabxanasındakı müxtəlif mövzulu nəşrlərdən biri şair, yazıçı Əli Rza Xələflinin “İnsana inamın tərənnümü” kitabıdır.
Kitab şair-tədqiqatçı Məlahət Solmazqızının poemalarının təhlilinə həsr olunub. Müəllif qanadlı publisistikası ilə M.Soltanqızının poemalarını təhlilə çəkir, esse-düşüncələr üslubunda həyat, insan, dünyanın taleyi kimi məsələlərə münasibət bildirir.
Nəşrdə “Yarımçıq ömrün xatirəsi”, “Ruhun savaşı”, “Könül yarası”, “Qadın”, “Dünya”, “Həyat, zaman, insan”, “Yoxsulluq”, “Xəyanətin bədəli”, “Bu gün kini, nifrəti düşmənə çevilməli” kimi başlıqlar yer alıb.
Kitabın redaktoru və ön sözün müəllifi filologiya elmləri doktoru, yazıçı-publisist Elçin Mehrəliyev, rəyçi və son sözün müəllifi isə iqtisad elmləri üzrə fəlsəfə doktoru, yazıçı-publisist Şəddat Cəfərovdur.
