BAYRAQDAR MEDİA – AMEA Mərkəzi Elmi Kitabxanasında Vüqar Muxtarovun “Hərbi psixologiya” kitabı da var.
Dərs vəsaitində hərbi psixologiyanın obyekti, predmeti, vəzifələri və tədqiqat metodları, hərbi xidmət şəraitində psixi hadisələr, kollektiv və onun inkişaf mərhələləri, hərbi xidmət və idarəetmənin strukturu, hərbi fəaliyyətlərin psixoloji təminat elementləri, eləcə də dinc və müharibə dövrlərində psixoloji təminatın idarə olunması məsələləri verilib.
Nəşr ali hərbi məktəblərin kursantları üçün nəzərdə tutulsa da Silahlı Qüvvələrin Hərbi Akademiyasının dinləyiciləri, komandir və digər ixtisaslı hərbi qulluqçular, eləcə də hərbi psixologiya problemləri ilə maraqlanan geniş oxucu kütləsi üçün faydalı ola bilər.
Qeyd edək ki, kitabın elmi redaktoru Təhsil İnstitutunun “Psixologiya və xüsusi təhlil” şöbəsinin müdiri, psixologiya elmləri doktoru Elxan Bəylərov, məsləhətçisi istefada olan polkovnik Dilavər Ruhullayev, rəyçilər isə psixologiya elmləri doktoru, Prof. Ramiz Əliyev, psixologiya üzrə fəlsəfə doktoru, Dos. Şəlalə Babayeva, psixologiya üzrə fəlsəfə doktoru, Dos. Məhərrrəm Əliyev və psixologiya üzrə fəlsəfə doktoru, istefada olan polkovnik-leytenant Aydın Şiriyevdir.
