Son yeniləmə: 21 Noyabr 2023 16:26
BAYRAQDAR MEDİA – Xəbər verdiyimiz kimi Denizli Böyükşəhər Bələdiyyəsinin təşkil etdiyi İkinci İstehsalçı Qadınlar Festivalı keçirilir.
Festival fəxri qonaq, məşhur sənətçi Şükriye Tutkunun konserti ilə daha da canlanıb. Çoxlu gözəl xalq mahnıları və əsərləri ifa edən Ş.Tutkunu izləməyə gələn denizlililər unudulmaz anlar yayşayıblar.
Bu barədə BAYRAQDAR MEDİA-ya Denizli Böyükşəhər Bələdiyyəsindən məlumat verilib.
Bildirilib ki, bələdiyyənin Nihat Zeybekci Konqres və Mədəniyyət Mərkəzində təşkil edilən konsertə başqan Osman Zolan, həyat yoldaşı Berrin Zolan və çox sayda qadın sahibkar qatılıb.
O.Zolan konsertdən əvvəl etdiyi çıxışında Şükriye Tutkunu qəbul etməkdən çox xoşbəxt olduqlarını bildirib.
Çıxışdan sonra türk xalq musiqisi sənətçisi Şükriye Tutkun sevilən əsərlərini və xalq mahnılarını ifa edib.
Konsertin sonunda Berrin Zolan və Şəhər Şurası Qadınlar Şurasının sədri Bilsen Özen sənətçi Tutkuna günün xatirəsinə plaket təqdim ediblər.
