BAYRAQDAR MEDİA “Məktəbdə…” layihəsinin növbəti görüşü keçiriləcək. Görüş noyabrın 22-də paytaxtdakı 1 nömrəli tam orta məktəbdə olacaq.
Bu barədə BAYRAQDAR MEDİA-ya noyabrın 21-də Bakı Şəhəri üzrə Təhsil İdarəsinin (BŞTİ) Mətbuat xidmətindən məlumat verilib.
Bildirilib ki, BŞTİ tərəfindən reallaşdırılan layihənin budəfəki qonağı İctimai Televiziya və Radio Yayımları Şirkətinin Baş direktoru Balakişi Qasımov olacaq: “Görüşdə məktəb və müəllimin insanların formalaşdırılmasında rolu, vətənpərvərlik hisslərinin aşılanması, intellektual gəncliyin yetişməsində telekanaların üzərinə düşən vəzifələr, asudə vaxtın düzgün idarə olunması, yeniyetmə və gənclərdə ictimai məsuliyyət hissi və digər maraq doğuran mövzular ətrafında söhbətlər aparılacaq, məktəbliləri düşündürən suallara aydınlıq gətiriləcək”.
