Hakan Fidan: Kıbırs uğrunda şəhidlik zirvəsinə çatan bütün qəhrəmanlarımızı hörmətlə yad edirəm
BAYRAQDAR MEDİA – Türkiyənin xarici işlər naziri Hakan Fidan Kuzey Kıbrıs Türk Cümhuriyyətinin 40-cı ildönümü münasibətilə həmkarı Tahsin Ertoğruloğluna yazılı təbrik məktubu göndərib.
KKTC-nin 40 illik yubileyi mərasimlər və tədbirlərlə qeyd olunacaq
Kirim Haber Ajansının məlumatına görə, təbrik məktubunda deyib: “KKTC-nin yarandığı gündən bəri əldə etdiyi nailiyyətlər millətimiz üçün qürur mənbəyidir. Hər zaman sülh və həll tərəfdarı olduqlarını sübut edən Kıbrıs türklərinin məruz qaldıqları hüquqi və qeyri-insani məhdudiyyətlərə baxmayaraq, öz suverenliklərindən əl çəkməyəcəklərini hər fürsətdə nümayiş etdirmələri haqq işimizə güc qatır”.
Türkiyənin KKTC-nin beynəlxalq ictimaiyyət tərəfindən tanınmasını hər mühitdə müdafiə edəcəyini bildirən Hakan Fidan, KKTC-nin beynəlxalq arenada layiq olduğu yeri qazanması üçün fədakarlıq etməkdən çəkinməyəcəklərini vurğulayıb. O, həmçinin Kıbrıs türklərinin hüquq və haqlı mübarizəsinin əhəmiyyətini qeyd edib:“Bu hiss və düşüncələrlə 15 Kasım Cumhuriyet Bayramı münasibəti ilə dəyərli şəxsinizi və bütün Kıbrıs türk qardaşlarımızı ürəkdən təbrik edir, başda Kıbrıs uğrunda şəhidlik zirvəsinə ucalan bütün qəhrəmanlarımızı ehtiramla yad edirəm”.
