Son yeniləmə: 7 Noyabr 2023 14:59
BAYRAQDAR MEDİA – Qardaş Türkiyədə V Türk Dünyası Yazarlar Qurultayı keçirilir. Qurultay Türkiye İlim Edebiyat Eseri Sahipleri Meslek Birliği (İLESAM) təşkilatçılığı, həmçinin Türkiyə Mədəniyyət və Turizm Nazirliyi, TİKA, YTB, TÜRKSOY və Türk Dil Qurumunun (TDK) dəstəyi ilə keçirilir.
Kirim Haber Ajansının məlumatına görə, Ankara Milli Kitabxanası Salonunda keçirilən tədbirdə Azərbaycan, Özbəkistan, Qırğızıstan, Qazaxıstan, İraq (Kərkük), İran (Təbriz), Kosova, Quzey Makedoniya (Skopye), Suriya, Qaqauziya, Türkmənistan, Tatarıstan, Başqırdıstan, KKTC, Bosniya və Herseqovina, Macarıstan, Albaniya, Batı Trakya və Türkiyə kimi 19 fərqli ölkədən 100-dən çox şair və yazıçı iştirak edir.
Noyabrın 8-də başa çatması planlaşdırılan qurultay çərçivəsində müxtəlif tədbirlər də keçiriləcək.
