BAYRAQDAR MEDİA – 3 gün ərzində YARAT Müasir İncəsənət Məkanında “YARAT Shorts” layihəsi çərçivəsində yerli, Britaniya və Gürcüstan kinematoqrafiyasından seçilmiş filmlər nümayiş olunub.
Bu haqda YARAT-ın yaydığı xəbərdə deyilir.
Xəbərdə bildirilir ki, “proqram çərçivəsində tanınmış rejissorlar, ssenaristlər və aktyorlarla görüşlər keçirilib. Bu il nümayiş olunan filmlər “Qadınlar və qadınların cəmiyyətdəki rolu”, “Tənhalıq və özünüinkişaf”, “Yaddaş və mental landşaftlar” kimi mövzuları əhatə edib. Filmlərin nümayişi ilə yanaşı, həmçinin nüfuzlu “BAFTA” mükafatının nominantı, tanınmış britaniyalı prodüser Cayls Hilinin pitçinq üzrə seminarı da keçirilib. Bu tədbir iştirakçılara Avropa kino bazarının imkanlarını anlamağa kömək edib”.
Xatırladaq ki, “YARAT Shorts” layihəsi British Council və Tbilisi Beynəlxalq Film Festivalı ilə birgə əməkdaşlıq çərçivəsində həyata keçirilib.
