BAYRAQDAR MEDİA – Noyabrın 5-də keçiriləcək yerli seçkilərin ikinci turu öncəsi Bolqarıstanda bu gün təbliğat qadağası var. Yəni sükut günüdür.
Bu barədə Radio Bolqarıstan məlumat yayıb.
Bildirilib ki, “siyasi təşviqat və ictimai rəy sorğularının hər hansı formada elan edilməsinə qadağa seçki gününün sonuna qədər davam edəcək. Yerli hökumət bələdiyyə ərazisində spirtli içkilərin satışını qadağan etmək hüququna malikdir”.
Məlumata əsasən, noyabrın 5-də bələdiyyə başçıları, mahal bələdiyyə başçıları və muhtarlara səslər veriləcək: “Oktyabrın 29-da keçirilən birinci turda namizədlərdən heç birinin səslərin 50 faizindən çoxunun səsini almadığı yerlərdə ikinci tur seçkilər keçiriləcək. Seçki bazar günü saat 7:00-da başlayır və 20:00-da başa çatacaq. Bəzi seçki məntəqələrində növbə yaranarsa, səsvermə müddəti saat 21:00-a qədər uzadıla bilər. Sabah yerli seçkilərdə ilk dəfə kağız və maşın səsverməsi də daxil olmaqla qarışıq səsvermə üsulundan istifadə ediləcək. Ümumilikdə 7250 yerdə seçki qutuları quraşdırılıb. 5900 yerdə electron səsvermə mümkün olacaq”.
