Son yeniləmə: 2 Noyabr 2023 13:26
BAYRAQDAR MEDİA – Qazaxıstan Prezidenti Qasım-Jomart Toqayev turizm və idman naziri Ermek Marjikpayevi qəbul edib.
Kazinform Akordanın mətbuat xidmətinə istinadən xəbər verir ki, Qasım-Jomart Toqayev nazirliyin cari fəaliyyəti və qarşıdakı dövr üçün planları ilə tanış olub.
Dövlət başçısına Çində keçirilən Asiya və Para-Asiya Oyunlarının yekunları əsasında aparılan təhlillər barədə məlumat verilib. Prezident sənayenin inkişafı ilə bağlı yeni baxışın hazırlanması istiqamətində işlərin yüksək keyfiyyətlə və mərhələli şəkildə aparılmasını tapşırıb.
Qasım-Jomart Toqayevə nazirliyin nəzarət etdiyi sahələr üzrə qanunvericilik bazasının təkmilləşdirilməsi və ölkənin turizm potensialının daha da inkişaf etdirilməsi barədə də məlumat verilib.
Müşavirənin sonunda dövlət başçısı bu sahələr üzrə nazirliyin qarşısında konkret vəzifələr qoyub.
