BAYRAQDAR MEDİA – Türkiyənin Aşqabaddakı səfiri Togan Oral keçirdiyi mətbuat konfransında Türkmənistan prezidenti Serdar Berdimuhamedovun Türkiyəyə rəsmi səfərini və iki ölkə arasındakı əlaqələri dəyərləndirib.
Kırım Haber Ajansının məlumatına görə, səfir Türkiyənin Türkmənistan liderinin səfərinə böyük önəm verdiyini bildirib.
T.Oral, “Son 4 ildə Türkmənistanla ikitərəfli ticarət dövriyyəmiz 3 dəfə artıb. Keçən ili 2,1 milyard dollarla başa vurduq. 2023-cü ilin ilk doqquz ayında bu səviyyəyə çatdıq. Bu o deməkdir ki, bu il ikitərəfli ticarət həcmi gözləntimizin 3 milyard dollara yaxınlaşacağını düşünürük” deyib.
Türkiyə ilə Türkmənistan arasında ikitərəfli ticarət həcminin xüsusilə son illərdə ciddi artdığını deyən diplomat, 5 milyard dollarlıq ticarət həcmi hədəfinə ən qısa zamanda çatmağı və sonra onu iki qat artırmağı hədəflədiklərini söyləyib.
Dekabrın 6-8-də Aşqabadda Türkiyənin ixrac məhsulları sərgisinin keçiriləcəyini xatırladan T.Oral, Berdiməhəmmədovun təklifi ilə Türkiyənin vitse-prezident Cevdet Yılmazın həmin vaxt Türkiyə-Türkmənistan Hökumətlərarası İqtisadi Komissiyasının (HEK) iclasında iştirak edəcəyini bildirib.
