Press "Enter" to skip to content

TİKA Naim Süleymanoğlunun evini muzeyə çevirəcək

Naim Süleymanoğlu

BAYRAQDAR MEDİA – Türkiyə Ağır Atletika Federasiyasının prezidenti Tələt Ünlü və onu müşayiət edən nümayəndə heyəti, Türk Əməkdaşlıq Koordinasiya Agentliyinin (TİKA) vitse-prezidenti Dr. Mahmut Çeviki ziyarət edib.

Bu barədə Kırım Haber Ajansı məlumat yayıb.

Bildirilib ki, “Ağır Atletika Federasiyasının prezidenti Ünlünü dünyanın ən yaxşı idmançısı seçilən Naim Süleymanoğlunun böyük qardaşı Məhərrəm Süleymanoğlu, 2004-cü il Olimpiya çempionu keçmiş milli ağır atlet Taner Sağır və 1994 Dünya Çempionu keçmiş milli ağır atlet Fedail Güləri müşayiət edib”.

Görüşlərin ardından Naim Süleymanoğlunun Bolqarıstandakı evinin muzeyə çevrilməsi ilə bağlı qərar açıqlanıb. Onun Bolqarıstanın Mestanlı şəhərində doğulduğu və uşaqlığını keçirdiyi ev TİKA tərəfindən muzeyə çevriləcək.

Muzeyin 2024-cü ilin aprelində açılması planlaşdırılır.

Mission News Theme by Compete Themes.