BAYRAQDAR MEDİA – Çinin Doğu Türküstanda həyata keçirdiyi soyqırımı siyasəti sürətlə davam edir.
Kirim Haber Ajansının məlumatına görə, bölgədə yaşayan uyğur türkləri öz mədəniyyətlərini yaşatmaq və gələcək nəsillərə ötürmək üçün ölümlə üz-üzə qalıblar: “Qazaxıstanda yaşayan Doğu Şərqi Türküstanlılar öz vətənlərində Çin tərəfindən məhv edilən uyğur mədəniyyətini yaşatmaq üçün mübarizə aparır. Qazaxıstanın Almatı, Çimkent şəhərləri və Uyğur, Emekçikazak, İli və Heşkelen bölgələrində yaşayan Doğu Türküstanlı uyğur türkləri yaşadıqları mahal və qəsəbələrdə uyğur mədəniyyətini yaşatmağa davam edirlər”.
Məlumatda deyilir ki, Çimkənddə yaşayan uyğur türklərinin qurduğu Uyğur Mədəniyyət Mərkəzi “Uyğur türkcəsi, mədəniyyəti və adət-ənənələri” adlı mədəniyyət günü tədbiri təşkil edib: “Mərasimdə uyğur mədəniyyəti, əl işləri, milli alətləri, milli geyimləri və yerli yeməkləri təqdim olunub. Tədbirə Güney Qazaxıstandan olan dərnəklər və Özbəkistandan gələn qonaqlar qatılıb. Uyğur Mədəniyyət Mərkəzi haqqında məlumat verən mərkəzin idarə heyətinin üzvü Abduqaffar Hacıyev bildirib ki, Çimkənddə Uyğur Mədəniyyət Mərkəzi 1992-ci ildə bir qrup uyğur türk ziyalısı tərəfindən yaradılıb”.
