BAYRAQDAR MEDİA – Oktyabrın 29-da Bolqarıstanda keçirilən yerli seçkilərin birinci turunun nəticələri yerli türkləri sevindirməkdə davam edir.
Kircalidə bələdiyyə sədrliyi uğrunda mübarizədə HÖH (Halk və Özgülükler Hareketi) partiyasının təmsilçisi Erol Mümünün birinci turda qalib gəldiyi barədə məlumat vermişdik.
Bu arada isə bəlli olub ki, HÖH Kırcali vilayətində 7 bələdiyyənin hamsında sədrlik uğurnda mübarizədə böyük qələbə qazanıb. Bundan başqa, qalib gəlinən rayonların bələdiyyə məclislərində də çoxluq HÖH partiyasının üzvlərinə məxsusdur.
Beləliklə, HÖH-dən verilən məlumata görə, Kırcalidə Erol Mümün (58.35 faiz), Ardinoda (Eğridere) İzzet Şaban (80.80 faiz), Kirkovoda (Kızılağaç) Şinasi Süleyman (78.58 faiz), Krumovgradda (Koşukavak) Sebihan Mehmed (83.65 faiz), Momçilgradda (Mestanlı) İlknur Kazım (87.53 faiz), Cebeldə (Şehcuma) Necmi Ali (93.55 faiz) və Çernooçenedə (Yenipazar) Aycan Ahmed (92.02) bələdiyyə başçısı seçilib.
Partiyanın məlumatına əsasn, eyni zamanda, ölkənin digər bir çox yerlərində də HÖH namizədləri uğur qazanıb. Məsələn, Qlavinitsada xalq böyük dəstəklə yenidən HÖH namizədi Nejdət Cövdəti seçib. O, seçicilərin 76,51 faizinin səsini qazanaraq, üçüncü müddətə bələdiyyə sədri vəzifəsinə seçilib.
Opakada xalqın 52 faizi HÖH tərəfindən dəstəklənən Güner Aşımova səs verib.
HÖH-dən Hayredin Mehmedov də ikinci dəfə seçilib. Səsverməyə gedən vətəndaşların 57 faizindən çoxu ona səs verib.
Məlumata əsasən, Venets bələdiyyəsində bələdiyyə sədrliyinə yeganə namizəd HÖH-dən Nehirban Əhmədova təxminən 91 faiz səslə seçkilərdə qalib gəlib.
Nəbi Bozov da seçicilərin 96,4 faizinin səsini toplayaraq yenidən Sırnıtsanın bələdiyyə sədri seçilib.
Həmçinin, Belitsa bələdiyyəsinin əvvəlki sədri, HÖH namizədi Radoslav Revanski bu dəfə 95,01 faiz səs toplayıb.
HÖH-ün daha bir namizdəi Merdin Bayram isə 94,44 səslə Vırbitsada bələdiyyə sədri postunu qazanıb.
