Son yeniləmə: 30 Oktyabr 2023 10:50
BAYRAQDAR MEDİA – Türk dünyası ölkələrinə daha bir dəstək Türkiyənin hava hücumundan müdafiə şirkəti BAYKAR Technologydən gəlib.
Bulak.kg xəbər verir ki, Türkiyə Aksungur və Akıncı PUA-larını Qırğızıstana göndərib.
Məlumata əsasən, Prezident Sadır Caparov Milli Təhlükəsizlik Dövlət Komitəsinin sədri Kamçıbek Taşiyevlə birlikdə Akıncı və Aksungur PUA-larının yerləşdiyi hava bazasını ziyarət edib. Səfərdə BAYKAR Texnologiya baş direktoru (CEO) Haluk Bayraktar da iştirak edib.
Prezident S.Caparov hava bazasındakı əsgərlərə Türkiyədən gətirilən PUA-ları sərhəd təhlükəsizliyi üçün istifadə edəcəklərinə əmin olduğunu vurğulayıb. PUA-ların daşınmasının dövlət büdcəsi hesabına həyata keçirildiyini deyən S.Caparov, ən müasir PUA-ların ölkənin təhlükəsizliyinə töhfə verəcəyini bildirib.
S.Caparov silahların effektiv və ehtiyatlı istifadəsinə diqqət çəkərək, “Böyük Manasın ruhu hər bir əsgərdə yaşamalıdır” deyib. O, “BAYKAR Technology” baş direktoru Haluk Bayraktara Qırğızıstan Dank Dövlət Mükafatını təqdim edib.
