Son yeniləmə: 30 Oktyabr 2023 08:26
BAYRAQDAR MEDİA – Oktyabrın 29-da Bakıda qardaş Türkiyə Cümhuriyyətinin qurulmasının 100-cü ildönümünə həsr edilmiş təntənəli qəbul keçirilib.
BAYRAQDAR MEDİA təmsilçilərinin də dəvət edildiyi tədbir Heydər Əliyev Mərkəzində təşkil edilib.
Tədbirin açılışında Azərbaycan və Türkiyə şəhidlərinin xatirəsinə sayğı duruşu elan edilib. Ardından da Azərbaycan və Türkiyənin milli marşları səsləndirilib.
Daha sonra Türkiyə Cümhurbaşqanı Recep Tayyip Erdoğanın video-müraciəti təqdim olunub.
Bunun ardınca Türkiyənin Azərbaycandakı səfiri Cahit Bağcı çıxış edərək iki qardaş ölkənin ortaq yönləri, uğurları, xalqların bir-birinə olan bağlarından danışıb.
Azərbaycan dövləti adına tədbirdə iştirak edən Milli Məclisin sədri Sahibə Qafarova da Azərbaycanla Türkiyənin birgə siyasəti, uğurları, dövlət rəhbərlərinin yaxın qardaşlıq münasibətlərinə vurğu edib.
