Son yeniləmə: 23 Oktyabr 2023 09:19
BAYRAQDAR MEDİA – KKTC Cümhurbaşqanı Ersin Tatar yenidən bu posta namizəd olacaq.
Bu barədə BAYRAQDAR MEDİA-ya KKTC Cümhurbaşqalığından məlumat verilib.
Bildirilib ki, oktybarın 21-də Bafra Turizm Bölgəsində, Ercan Hava Limanına 45 kilometr məsafədə yerləşən Concorde otelində jurnalistlərlə səhər yeməyi toplantısında bir araya gələn E.Tatar Cümhurbaşqanlığı müddətinin ilk 3-cü ilini və Azərbaycana səfərini dəyərləndirərək sualları cavablandırıb.
Məlumata əsasən, E.Tatar bu 3 ildə yanında olan hər kəsə təşəkkür edib. Səlahiyyəti dövründə ictimaiyyətlə təmasda olduğunu və hökumətlə yaxşı münasibətdə vəzifəsini yerinə yetirdiyini bildirən E.Tatar, qəbul edilən siyasətlərlə bağlı hökumətin dəstəyinin də vacib olduğunu vurğulayıb.
E.Tatar, 2025-ci ildə keçiriləcək cümhurbaşqanlığı seçkiləri ilə əlaqədar jurnalistlərin verdiyi suala cavab olaraq səhhətinin yaxşı olduğunu, kifayət qədər təcrübəyə malik olduğunu bildirib və yenidən namizəd olacağını açıqlayıb.
