BAYRAQDAR MEDİA – 29-31 oktyabr 2023-cü il tarixlərində qardaş Türkiyənin Çankırı Karatekin Universitetində Türkiyə Cümhuriyyətinin qurulmasının 100 illik yubileyinə həsr olunmuş Konqres keçiriləcək.
Bu haqda xəbər BAYRAQDAR MEDİA-ya AMEA Folklor İnstitutundan daxil olub.
Xəbərdə deyilir ki, keçiriləcək II Uluslararası Türkiyat Konqresinin mövzusu “Türk Dünyasının Ortaq Mirası” olacaq.
“Konqres Türkiyə Cümhuriyyəti Mədəniyyət və Turizm Nazirliyi, Atatürk Kültür, Dil və Tarix Yüksək Qurumu, Türk Dil Qurumu, TİKA, Xaricdə Yaşayan Türklər və Əqrəba Topluluqlar Başqanlığı, Türkiyə Karatekin Universitetinin Türkiyat İnstitutu, Hacettepe Universitetinin Türk folkloru bölümü, AMEA Folklor İnstitutu, Yusif Balasaqunlu adına Qırğızıstan Milli Universiteti və Qırğızıstan Milli Elmlər Akademiyası Fəlsəfə İnstitutunun birgə təşkilatçılığı ilə gerçəkləşəcək”, – deyə xəbərdə bildirilir.
