Son yeniləmə: 18 Oktyabr 2023 13:37
BAYRAQDAR MEDİA – Türkmənistan xarici işlər nazirinin müavini Myahri Byashimova Türkmənistanda işgüzar səfərdə olan Euronews xəbər kanalının nümayəndə heyəti ilə görüşüb.
Türkmenportalı xəbər verir ki, bu barədə Türkmənistan Xarici İşlər Nazirliyinin mətbuat xidməti məlumat yayıb.
Görüşdə “Euronews” telekanalının satış və tərəfdaşlıq üzrə vitse-prezidenti Silven Jan İv Rocer son on il ərzində inkişaf edən səmərəli əməkdaşlığı, bu əməkdaşlıq çərçivəsində Türkmənistanda əlamətdar hadisələri işıqlandırmaq üçün bir sıra uğurlu layihələrin həyata keçirildiyini qeyd edib.
Bundan əlavə, o, əməkdaşlığı intensivləşdirməyə və qarşılıqlı fəaliyyətin yeni formalarını inkişaf etdirməyə hazır olduğunu bildirib.
Görüşün nəticəsi olaraq Türkmənistan Rabitə Agentliyi ilə Euronews şirkəti arasında Tərəfdaşlıq Sazişi imzalanıb.
