Son yeniləmə: 17 Oktyabr 2023 12:02
Tuğ, Daşaltı və Hadrutda isə turizm infrastrukturunun layihə-smeta sənədləri hazırlanır
BAYRAQDAR MEDİA – İşğaldan azad edilmiş ərazilərdə quruculu işləri görülür. Eyni zamanda həmin ərazilərdə turizmin inkişafı üşün müvafiq addımlar atılır.
Bu kontekstdə hazırda Tuğ, Daşaltı və Hadrutda turistlərin ilkin ehtiyaclarının ödənilməsi üçün yaradılacaq infrastrukturun layihə-smeta sənədləri hazırlanır.
BAYRAQDAR MEDİA xəbər verir ki, bunu jurnalistlərə açıqlamasında Dövlət Turizm Agentliyinin sədr müavini Azadə Hüseynova deyib.
Sədr müavini onu da bildirib ki, yaxın zamanda Suqovuşana turlar təşkil olunacaq. Qeyd edilib ki, artıq bununla bağlı işlərə başlanılıb və qısa müddətdə Şuşa turları kimi buraya və ətraf ərazilərə turistlərin gəlişi nəzərdə tutulub.
A.Hüseynovanın sözlərinə görə, Suqovuşana ilk olaraq Naftalandan, daha sonra isə digər ərazilərdən
turlar təşkil olunacaq.
