Son yeniləmə: 16 Oktyabr 2023 09:07
BAYRAQDAR MEDİA – Türk Dünyasının 2023-cü il Mədəniyyət Paytaxtı Şuşada keçirilən Beynəlxalq Türk Mədəniyyəti Təşkilatına (TÜRKSOY) üzv ölkələrin Mədəniyyət Nazirləri Daimi Şurasının 40-cı Toplantısının Yekun Bəyannaməsi dərc olunub.
Kirim Haber Ajansı xəbər verir ki, Bəyannamədə Qazaxıstanın Aktau şəhərinin 2025-ci il üçün Türk Dünyasının Mədəniyyət Paytaxtı elan edildiyi açıqlanıb: “Bundan əlavə, Daimi Şuranın iclasında bir sıra qərarlar qəbul edilib. Bəyannamədə türkiyəli alim Aziz Sancara TÜRKSOY-un mədəniyyət səfiri adının verildiyi açıqlanıb”.
Qərarla bağlı TÜRKSOY-un baş katibi Sultan Raev sosial şəbəkədə deyib: “Biz Şuşada Daimi Şuramızı keçirdik. Çox vacib qərarlar qəbul etdik. Xüsusi bir qərarı bölüşmək istəyirəm. Bundan sonra biz hər il bir xüsusi şəxsə TÜRKSOY-un mədəniyyət səfiri adını verəcəyik. İlk növbədə, bu mənalı adı Nobel mükafatlı alimimiz cənab Aziz Sancara təqdim etməyi məqsədəuyğun saydıq”.
Daîmi Konseyimizi Şuşa’da yaptık.Çok önemli kararlar aldık. Özel bir kararı paylaşmak istiyorum. Bundan böyle her yıl bir özel isme TÜRKSOY Kültür Elçisi unvanı vereceğiz. İlk olarak bu anlamlı unvanı Nobel Ödüllü bilim insanımız Sayın Aziz Sancar’a takdim etmeyi uygun gördük. pic.twitter.com/PLMMKEydid
— Sultan Raev (@SultanRaev) October 14, 2023
