BAYRAQDAR MEDİA – Çağdaş Azərbaycan ədəbiyyatının görkəmli nümayəndələrindən olan tərcüməçi, publisist, Xalq şairi Məmməd Arazın anadan olmasının 90 illiyi münasibətilə AMEA Mərkəzi Elmi Kitabxanasında “Xalq şairi Məmməd Araz – 90” adlı sərgi təşkil olunub.
Bu haqda xəbər BAYRAQDAR MEDİA-ya sözügedən Kitabxanadan daxil olub.
Xəbərdə deyilit ki, “sərgidə şairin seçilmiş əsərləri, “Qayalara yazılan səs”, “Naxçıvan albomu”, “Vətən deyin”, “Məmməd Araz” ikicildliyi, “Əsgər andı”, “Ocaq başında”, “Dünya sənin dünya mənim”, “Həyatın və sözün rəngləri” kitabları, eləcə də akademiklər İsa Həbibbəylinin “Məmməd Araz” tərcümeyi-halı və ”Xalq şairi Məmməd Araz” albom monoqrafiyası, Budaq Budaqovun “Təbiət və poeziya”, Həsən Əliyevin “Həyəcan təbili”, ədəbiyyatşünas alim Eyvaz Eminalıyevin “Məmməd Araz” monoqrafiyası, professor Vaqif Yusiflinin “Məmməd Araz dünyası” və digər dəyərli kitablar təqdim olunub”.
Qeyd edək ki, sərgi iki həftə davam edəcək.
