BAYRAQDAR MEDİA – Oktyabrın 13-də Bakıda qardaş ölkə Kuzey Kıbrıs Türk Cümhuriyyətinin “Kültür və tanıtım günləri” başlayır. 13-14 oktyabrda keçiriləcək tədbirə KKTC Cümhurbaşqanı Ersin Tatarın da qatılacağı planlaşdırılır.
Günlər çərçivəsində açılış tədbiri 13 oktyabrda Bakıdakı Hilton hotelində gerçəkləşdiriləcək. Burada KKTC-dəki müxtəlif qurumların, universitet və birliklərin tanıtımı nəzərdə tutulur.
Oktyabrın 14-də isə The Landmark Baku-da KKTC foto sərgisi təşkil ediləcək.
Qeyd edək ki, bu, KKTC Cümhurbaşqanı Ersin Tatarın Azərbaycana ilk səfəri olacaq. Ali qonağı Prezident İlham Əliyevin qəbul edəcəyi də gözlənilir.
Əlavə olaraq xatırladaq ki, KKTC Azərbaycanın da qurucu-üzvlərindən olan Türk Dövlətləri Təşkilatının müşahidəçi üzvüdür və bu baxımdan iki qardaş ölkə arasındakı münasibətlərin daha üst səviyyəyə yüksəldilməsi istiqamətində işlər sürətləndirilib.
