Son yeniləmə: 12 Oktyabr 2023 13:53
BAYRAQDAR MEDİA – Bolqarıstan Mərkəzi Seçki Komissiyasının sədr müavini və mətbuat katibi Rositsa Mateva brifinq keçirib.
Radio Bolqarıstan xəbər verir ki, brifinq zamanı o, “Oktyabrın 29-da keçiriləcək yerli seçkilər üçün seçki məntəqələrinin ümumi sayı 11 min 862-dir, lakin onların sayı hələ yekun deyil. Hazırda 9080 seçki məntəqəsində maşın səsverməsi keçiriləcək” deyib.
Qeyd edilib ki, 300-dən çox seçicisi olan yaşayış məntəqələrində maşın səsverməsinin keçirilə biləcəyi seçki məntəqələri yaradılır. Səyyar və xəstəxanalarda seçki komissiyalarının təyin edilməsi nəzərdə tutulur.
Bundan əlavə, Rositsa Mateva bildirib ki, əlil vətəndaşların əlilliyini təsdiq edən sənədləri təqdim etmələrinə ehtiyac yoxdur: “Bələdiyyə rəhbərliyi bu məlumatı inzibati qaydada müəyyən etməyə və yalnız müəyyən edilə bilməyən hallarda insanlardan əlillik statusunu göstərən sənədləri tələb etməyə borcludur”.
