Son yeniləmə: 11 Oktyabr 2023 09:52
BAYRAQDAR MEDİA – “Nar”ın dəstəyi ilə keçirilən “Breyn Rinq” bilik yarışının 22-ci mövsümü başlayır. Yeni mövsümdə 9 region və 7 universiteti təmsil edən 19 komanda “Bilik” kuboku uğrunda mübarizə aparacaq. Yarışı hər həftənin bazar günü saat 17:00-da İctimai Televiziyada izləmək mümkündür.
BAYRAQDAR MEDİA-ya verilən məlumatda deyilir ki, qaydalara görə, il əzrində 2 mövsüm oyun oynanılır. 1-ci mövsümdə “Nar” Kuboku, 2-ci mövsümdə isə “Bilik” Kubokunun sahibi bəlli olur. İlin sonunda isə hər kubokun qalibi, yəni 2 komanda Azərbaycan çempionu titulu uğrunda yarışır. İndiki mövsümdə“Bilik” Kubokunun qalibi bu titul uğrunda “Birbank” komandası ilə mübarizə aparacaq.
Qeyd edək ki, elm və təhsilə dəstək “Nar”ın korporativ sosial məsuliyyət strategiyalarının əsas istiqamətlərindən biridir. Mobil operatorun gerçəkləşdirdiyi digər KSM layihələri haqqında nar.az/projects səhifəsindən məlumat əldə edə bilərsiniz.
