Son yeniləmə: 11 Oktyabr 2023 11:54
BAYRAQDAR MEDİA – Əmək və Əhalinin Sosial Müdafiəsi Nazirliyi tərəfindən“Himayədar ailə” qayğı modelinin tətbiqi ilə bağlı yeni videoçarx hazırlanıb.
Nazirlikdən BAYRAQDAR MEDİA-ya oktyabrın 11-də verilən məlumata görə, videoçarxda uşaqlara qayğı sahəsində dünyada geniş yayılmış təcrübələrdən olan, dövlət müəssisələrindəki uşaqların ailə mühitində böyüməsinə zəmin yaradan himayədar ailə modelinin bir nümunəsi əks olunur.
Qeyd edilir ki, 11 oktyabr – Beynəlxalq Qızlar Günündə təqdim edilən videoçarx eyni zamanda qız uşaqlarının dəyərini, bir ailənin həyatına xoşbəxtlik qatan dəyərli bir nemət olduğunu da təcəssüm etdirir.
