Son yeniləmə: 11 Oktyabr 2023 12:17
BAYRAQDAR MEDİA – Rumıniyada Krım tatar türkoloqu Prof. Dr. Tahsin Cemilin yeni kitabının tanıtım tədbiri keçirilib.
Kirim Haber Ajansının məlumatına görə, Rumıniyada Mecidiye Bələdiyyəsi və Mehmet Niyazi Mədəniyyət Dərnəyi tərəfindən keçirilən tədbirdə Prof. Dr. Tahsin Cemilin yeni çapdan çıxmış “Dünya tarixşünaslığında tatarlar” kitabından, həmçinin, əsərlərindən və yaradıcılığından söhbət açılıb.
Xatırladaq ki, Prof. Dr. Tahsin Cemil Rumıniyadakı Krım tatarlarını parlamentdə təmsil edən birinci millət vəkili, Rumıniya Müsəlman Tatar Türkləri Demokratik Birliyinin ilk başqanı, diplomat və türkoloqdur. Bir müddət Rumıniyanın Türkmənistan və Azərbaycanda səfiri vəzifələrində çalışmış, Kluj Babeş Bolyai Universitetinin Türkologiya İnstitutunun direktoru olan Prof. Dr. Tahsin Cemilin Rumıniya və Osmanlı tarixi ilə bağlı yüzlərlə məqaləsi var.
