Son yeniləmə: 11 Oktyabr 2023 16:38
BAYRAQDAR MEDİA – Almaniyaya səfər çərçivəsində KOBİA-nın İdarə Heyətinin sədri Orxan Məmmədov bir sıra görüşlər keçirib.
Bu barədə BAYRAQDAR MEDİA-ya KOBİA-dan məlumat verilib.
Bildirilib ki, “Almaniyanın Şərqi Biznes Assosiasiyasının baş icraçı direktoru Mixael Harms iləgörüşüb.İxracın və İnvestisiyaların Təşviqi Agentliyinin – AZPROMO-nun rəhbəri Yusif Abdullayevin də iştirak etdiyi görüşdə ticarət əlaqələrinin genişləndirilməsinə, innovasiyaların təşviqinə və əməkdaşlıq imkanlarına dair fikir mübadiləsi aparılıb”.
Məlumata görə, KOBİA nümayəndələri həmçinin, Berlin şəhərində fəaliyyət göstərən azərbaycanlı iş adamları ilə görüşüb. Görüşdə Azərbaycan məhsullarının ixracına, xarici ölkələrdə biznes imkanlarına dair fikir mübadiləsi aparıb. Bundan başqa, səfər çərçivəsində KOBİA nümayəndələri Almaniyada milli mətbəximizi təbliğ edən “Qarabağ” restoranının fəaliyyəti ilə də tanış olublar”.
