BAYRAQDAR MEDİA – AMEA Mərkəzi Elmi Kitabxanasında milli ədəbiyyatşünaslıq elminin inkişafında xidmətləri olan, ədəbiyyatşünas, naşir, “Şöhrət” ordenli akademik Teymur Kərimlinin 70 illik yubileyi münasibətilə sərgi təşkil edilib.
Bu haqda xəbər BAYRAQDAR MEDİA-ya sözügedən Kitabxanadan daxil olub.
Xəbərdə qeyd olunur ki, “sərgidə akademikin müəllifi olduğu kitablar, dövri mətbuatda çıxan məqalələri, həmçinin tərcümə və redaktə etdiyi əsərlər nümayiş olunur. Onların sırasında “Heydər Əliyev və klassik irs”, “Görünməyən Füzuli” , “Şərqin qapısından dünyaya”, “Hicran ömrü”, “Çağdaşımız Nəsimi”, “Nizami və tarix”, “İstedadla enerjinin harmoniyası”, “Akademik Əhməd Mahmudov. Görkəmli adamların həyatı”, “İsa Həbibbəyli. Biblioqrafiya”, “Gözəllərin axıra qalmışı”, “Akademik Mirzə İbrahimov” və digərləri var. Sərgilənən nəşrlərdə Azərbaycan klassik ədəbiyyatındakı ümumbəşəri dəyərlərin müasir elmi tədqiqi həyata keçirilib, ölkədə yüksək səviyyədə öyrənilməsinin və təbliğinin möhkəm özülü yaradılıb”.
Sərgi iki həftə davam edəcək.
