Son yeniləmə: 4 Oktyabr 2023 20:33
BAYRAQDAR MEDİA – AMEA Mərkəzi Elmi Kitabxanasındakı nəşrlər içərisində filologiya üzrə fəlsəfə doktoru Səbinə Səlimovanın müəllifi olduğu “Ərəb bədii nəsrində ilkin Abbasilər dövrünün təsviri” monoqrafiyasıdır.
Kitab AMEA Z.M.Büynadov adına Şərqşünaslıq İnstitutunun Elmi Şurasının qərarı ilə çap olunub.
Monoqrafiyada ilk dəfə olaraq ədəbi, elmi-mədəni, eləcə də xarici sahələrdə Azərbaycanla yaxından bağlı olan Abbasilər dövrünün ilk yüzilliyində mühüm qlobal məsələlərin ərəb folkloru və bədii nəsrində inikası əhatəli şəkildə araşdırılır, Abbasi xəlifələrinin dövlətin idarəçilik və mədəni sahələrdəki mühüm tədbirlərinin ölkənin çiçəklənməsindəki müsbət rolu real faktlar fonunda şərh edilərək təsbit edilir.
Qeyd edək ki, nəşrin elmi redaktoru filologiya üzrə elmlər doktoru, Prof. Gövhər Baxşəliyeva, rəyçiləri isə filologiya üzrə elmlər doktoru, Prof. Vilayət Cəfər, filologiya üzrə fəlsəfə doktoru Ruhəngiz Cümşüdlüdür.
