BAYRAQDAR MEDİA – AMEA Mərkəzi Elmi Kitabxanasındakı nəşrlərdən biri də Araz Qurbanovun “Müsəlman ermənilər” (Regionda geosiyasi oyunların yeni iştirakçıları) kitabıdır.
Nəşrdə Ermənistanın Azərbaycana, Türkiyəyə və Gürcüstana qarşı ərazi iddialarında, “erməni soyqırımı” tələblərində, fövqəlgüclərin regionda geosiyasi maraqlarının ödənilməsində yeni iştirakçılardan – müsəlman ermənilərdən, kriptoermənilərdən və “erməni” kimi təqdim etdikləri həmşinlilərdən istifadə cəhdlərindən bəhs olunur. Kitabda həmin etnik-dini qrupların tarixi və mədəniyyəti barədə də məlumat verilir.
Qeyd edək ki, nəşrin elmi məsləhətçisi filologiya üzrə fəlsəfə doktoru, Məsiağa Məhəmmədli, rəyçiləri Prof. siyasi elmlər üzrə elmlər doktoru Ramiz Sevdimalıyev, Prof. filologiya üzrə elmlər doktoru Cəlal Qasımov, Prof. tarix üzrə elmlər doktoru Məhəbbət Paşayeva, tarix üzrə fəlsəfə doktoru Nazim Mustafa, redaktoru isə filologiya üzrə fəlsəfə doktoru Aqşin Məmmədovdur.
