BAYRAQDAR MEDİA – AMEA Mərkəzi Elmi Kitabxanasında yer alan müxtəlif mövzulu nəşrlərdən biri dəm “Azərbaycan tarixçiləri” adlı biblioqrafik göstəricidir.
Nəşr AMEA A.A.Bakıxanov adına Tarix İnstitutu Elmi Şurasının qərarı ilə nəşr olunub.
Biblioqrafik göstəriciyə Tarix İnstitutunda çalışan və vaxtilə bu elmi tədqiqat müəssisəsində fəaliyyət göstərmiş tarixçilərin əsərləri daxil edilib.
Layihənin rəhbəri, baş məsləhətçi və elmi redaktoru tarix elmləri doktoru, Əməkdar elm xadimi, Prof. Yaqub Mahmudov, tərtibçiləri isə Əmin Əfəndiyev və Zakirə Əliyevadır.
Y.Mahmudov nəşrə yazdığı ön sözdə deyir: ““Azərbaycan tarixçiləri” biblioqrafik göstəricisini yaratmaqla biz Azərbaycan tarixi ilə maraqlananlara köməklik göstərmək, onları maraqlandıran tarix əsərlərini asanlıqla əldə edə bilmələri üçün yol göstərmək istəyimizi həyata keçirməyə çalışmışıq. Düşünürəm ki, bununla tarix elmimizin gələcəyi üçün faydalı bir addım atmışıq”.
