BAYRAQDAR MEDİA – “KKTC-də hər bir deputat və nazir həftədə orta hesabla 10-15 toya gedir. Siyasətçilərin axşam işi yay boyu toylarda keçir. Deyilənə görə, kabinetdə “siyasətçilərin toyuna qadağa qoyulmalıdır” lətifəsi olub”.
Bu barədə Kibris Postası məlumat yayıb.
Məlumata əsasən, yaxşı və pis gündə seçicilərin yanında olmaq kiçik ölkə miqyasında vacib bir öhdəlikdir: “Bu vacib rutinlə bağlı Kıbrıs Postası-na danışan baş nazirin müavini Erhan Arıklı ötən şənbə günü axşam saat 12-yə qədər bir gecədə 7 toya getdiyini, eyni zamanda narahat olduğunu da bildirib. O, “Bu il 1 min 247 nikah, 948 boşanma. Ötən illə müqayisədə boşanmaların sayı 6 faiz artıb. Təəssüf ki, hər dəfə toya gedəndə bu gənclərin nə vaxt boşanacağından narahat oluram. Uşaqlar ortada qalır. Evlilik institutunun bu sarsıntısı cəmiyyət üçün çox zərərli bir vəziyyətdir. Türk millətinin ən mühüm xüsusiyyəti ailə birliyidir. Ailə quruluşumuz getdikcə pisləşir; Bu statistikalar məni çox narahat edir” deyib”.
