Son yeniləmə: 26 Sentyabr 2023 13:30
BAYRAQDAR MEDİA – Milli Paralimpiya Atıcılıq Komitəsinin üzvləri Lima şəhərində keçirilən “LimaWSPS 2023” dünya çempionatında bir qızıl, iki gümüş medal qazanıblar.
Bu barədə BAYRAQDAR MEDİA-ya sentyabrın 26-da Azərbaycanın Meksikadakı səfirliyindən məlumat verilib.
Bildirilib ki, “Azərbaycan paralimpiyaçısı Kamran Zeynalov 50 metrlik məsafəyə atışda 220,5 xal toplayaraq qızıl medal qazanıb. Bu nəticə ilə Azərbaycan idmançısı “Paris-2024” XVII Yay Paralimpiya Oyunlarına birbaşa lisenziya əldə edib. 10 metrlik məsafəyə atışda Kamran Zeynalov və Aybəniz Babayeva gümüş mükafata yiyələniblər”.
Qeyd edilib ki, “LimaWSPS 2023” Paralimpiya atıcılıq dünya çempionatında 54 ölkənin 260 iştirakçısı iştirak edir.
