BAYRAQDAR MEDİA – KKTC parlamentinin sədri Zorlu Töre Azərbaycan-Türkiyə-Kuzey Kıbrıs Regional İnteqrasiya Seminarları silsiləsinin ilki olan “3 Dövlət, Bir Millət” tədbirinə qatılıb. Onlayn formatda keçirilən tədbirdə Z.Töre iştirakçıları salamlayaraq, “hər üç dövlətin bir-birinə soy-köklə bağlı, eyni taleyi, eyni ağrını paylaşan bir toplum olduğunu” bildirib.
Kibris Postası xəbər verir ki, Z.Töre həmçinin, Azərbaycan, Türkiyə və KKTC-nin tarixi və mədəniyyətinin gənc nəsillər arasında, xüsusilə türkdilli QHT-lər arasında tanıdılmasının böyük əhəmiyyət kəsb etdiyini deyib: “Avropa dövlətlərinin birliyi, ərəb dövlətlərinin birliyi, Skandinaviya dövlətlərinin birliyi var, niyə türk dövlətlərinin birliyi olmasın? Mən türk millətinin nümayəndəsiyəm, özünü türk hesab edən hər kəsin nümayəndəsiyəm”.
Z.Töre KKTC-nin Türk Dövlətləri Təşkilatına rəsmi adı ilə müşahidəçi üzv kimi daxil olmasının vacibliyinə diqqət çəkib: “Ana vətən Türkiyə Cümhuriyyətinin Cümhurbaqanı Recep Tayyip Erdoğan bu il BMT-nin 78-ci Baş Assambleyasında KKTC-nin tanınması üçün çağırış etdi və biz ilk tanınmanı Azərbaycandan gözləyirik və bunu cani-könüldən istəyirik. Azərbaycan necə ki, zülmə məruz qalmasına baxmayaraq əzmkarlıqla öz bayrağını səmalarda dalğalandırıb, biz də KKTC bayrağımızı dalğalandırırıq və dalğalanan bayrağımız heç vaxt enməyəcək”.
