BAYRAQDAR MEDİA – Son illər Azərbaycan Dövlət Akademik Musiqili Teatrı ilə Özbəkistanın müxtəlif teatrları arasında imzalanan əməkdaşlıq memorandumları qarşılıqlı mədəni əlaqələrin inkişafına öz töhfəsini verməkdədir.
Bu haqda xəbər BAYRAQDAR MEDİA-ya Musiqili Teatrdan daxil olub.
Xəbərdə bildirilir ki, “birgə layihələr çərçivəsində teatr kollektivlərinin qastrol səfərləri, rejissor, aktyor mübadiləsi həyata keçirilir. Özbəkistanın Kattakurqon Şəhər Dram Teatrı və Muqimi adına Özbəkistan Dövlət Akademik Teatrlarının yaradıcı heyətlərinin ötən mövsümdəki qastrol səfərlərindən sonra bu ənənə uğurla davam etdirilir”.
Sonra xəbərdə, “bu dəfə isə Musiqili Teatrın qonağı Özbəkistanın Namanqan Dövlət Musiqili Dram Teatrı olacaq. Onlar 2 və 3 oktyabr tarixlərində saat 19:00-da “Ah, bu qocalar – qəribə qocalar!” komediyasını nümayiş etdirəcəklər. Süjet xəttində ailə-məişət məsələləri dayanan səhnə əsərinin müəllifi Özbəkistanın Xalq şairi Oxunjon Hakimov, səhnələşdirəni və rejissoru Marufjon Niyazovdur” deyə qeyd edilir.
