BAYRAQDAR MEDİA – Erməni terror yuvaları qəhrəman Ordumuzun gücü ilə darmadağın oldu, Ermənistan ağ bayraq qaldırdı! Türk millətinin və Ali Baş Komandanın gözü aydın!
Bu sözlər Güney Azərbaycan Milli Qurtuluş Hərəkatı başqanı Eldar Qaradağlının Qarabağda sentyabrın 19-dan başlayan lokal antiterror əməliyyatının uğurla başa çatması ilə bağlı təbrikindəndir.
“Qəhrəman ordumuzun 24 saatlıq antiterror əməliyyatı sonucunda Ermənistan və Qarabağda yuva salan terrorist dəstələri təslim oldu. Azərbaycan Müdafiə Nazirliyinin rəsmi bildirişinə görə, Azərbaycan Respublikasının aşağıdakı üçlü şərti düşmən tərəfindən bütünlüklə qəbul olunaraq icraya qoyulmuşdur:
1- Azərbaycan Respublikasının Qarabağ bölgəsində yerləşən Ermənistan silahlı qüvvələrinin
birləşmələri, qeyri-qanunu erməni silahlı dəstələri silahı yerə qoyur, döyüş mövqelərindən və hərbi postlarından çıxır və tam şəkildə tərksilah olunurlar.
2- Ermənistan silahlı qüvvələrinin birləşmələri Azərbaycan ərazilərini tərk edir, qeyri-qanuni
erməni silahlı dəstələri buraxılır.
3- Paralel şəkildə bütün silah-sursat və ağır texnika təhvil verilir.
Yaşasın Azərbaycan Respublikasının igid Ordusu!
Yaşasın Təbrizli-Bakılı Bütöv Azərbaycan Dövlətçiliyi!”
Əlavə edək ki, sentyabrın 20-də saat 13.00-dan ermənilər silahı yerə qoyaraq Bakının tələblərini qəbul etdiklərini bəyan edib.
