BAYRAQDAR MEDİA – YARAT Müasir İncəsənət Məkanı Little YARAT ustad dərslərinin sentyabr proqramını açıqlayıb.
Bu haqda sözügedən Mərkəzin yaydığı xəbərdə deyilir.
Xəbərdə bildirilir ki, “ustad dərsləri 23-24 sentyabr tarixlərində keçiriləcək. Rəssam Vüsalə Ağarzayevanın tyutorluğu ilə keçiriləcək “Fraqment” mövzulu dərs amanı iştirakçılar cari sərgi ilə tanışlıqdan sonra özləri üçün yadda qalan əsəri seçəcəklər. Növbəti mərhələdə onlar rəssam ilə birlikdə həmin əsərlər və onun detallarının əsasında müstəqil formada əsər yaradacaqlar”.
Növbəti gün “Konfet dağlar” mövzusundakı dərsdə isə iştirakçılar tyutor Alina Yusupova ilə birlikdə YARAT-da nümayiş olunan Aida Mahmudovanın “Cənnət gözləyə bilər” fərdi sərgisi əsasında təbiətin (çay, dağ, meşə və s.) rənglərini, forma və sərhədlərini kəşf edərək dağ mənzərələri yaradacaqlar.
Qeyd edək ki, 8-12 yaş uşaqlar üçün nəzərdə tutulmuş dərslər saat 12:00-da başlayacaq.
