BAYRAQDAR MEDİA – “Təhsildə könüllü fəaliyyətin təşkili” qrant müsabiqəsinə layihə təkliflərinin qəbulu başa çatıb.
Bu haqda xəbər BAYRAQDAR MEDİA-ya Elm və Təhsil Nazirliyindən daxil olub.
Xəbərdə deyilir ki, “müsabiqəyə ümumilikdə 112 layihə təklifi daxil olub. Bu, ETN-nin ötən ildə keçirdiyi analoji qrant müsabiqəsinə təqdim olunan layihələrin sayından 45 faiz daha çoxdur. Hazırda layihələrin ekspertiza və qiymətləndirilməsi prosesi davam edir və müsabiqənin gedişatı ilə bağlı məlumatlar Nazirliyin rəsmi internet resursları vasitəsilə yayımlanacaq”.
Qeyd edək ki, sözügedən müsabiqənin prioritet mövzuları məktəbəqədər təhsilin əhatə dairəsinin artırılması, ümumi təhsilin keyfiyyətinin yüksəldilməsi, peşə təhsilinin təşkili və təlim-tədris prosesinin qurulması, ali təhsildə əlçatanlığın, keyfiyyət və beynəlxalq rəqabətliliyin təmin edilməsi, ömürboyu təhsil sisteminin gücləndirilməsi, distant təhsil imkanlarının genişləndirilməsi istiqamətində ictimai fəallığın dəstəklənməsi olub.
