BAYRAQDAR MEDİA – Sentyabrın 20-də YARAT-ın XX-XXI əsrlər Azərbaycan Rəngkarlığı Muzeyində keçiriləcək böyüklər üçün “Özünü kəşf et” ustad dərslərinin yeni proqramı açıqlanıb.
Rəssam Erkin Ələkbərlinin tyutorluğu ilə keçiriləcək dərslər “Melanxoliya” mövzusunda olacaq.
Dərslərlə bağlı E.Ələkbərli BAYRAQDAR MEDİA-ya açıqlama verib: “Ustad dərsləri ilə bağlı onu deyə bilərəm ki, dərslərdə iştirakçılara mövzuya uyğun kompozisiya quruluşu seçilib başa salınacaq, daha sonra onun üzərindən lazım olan hissələrdə və ya bütöv kətan üzərində tekstur pastası ilə və akril boya ilə işlənəcək. Bildirim ki, yaşı 16-dan çox hər kəs bu dərslərdə iştirak edə bilər”.
Qeyd edək ki, ustad dərsləri saat 19:00-da olacaq.
