BAYRAQDAR MEDİA – Azərbaycan müdafiə naziri general-polkovnik Zakir Həsənov Bakıda rəsmi səfərdə olan İsrail Müdafiə Nazirliyinin Baş direktoru Eyal Zamirin rəhbərlik etdiyi nümayəndə heyəti ilə görüşüb.
Xəbər BAYRAQDAR MEDİA-ya Azərbaycan MN-dən daxil olub.
“General-polkovnik Z.Həsənov Azərbaycan-İsrail münasibətlərinin hazırkı yüksək səviyyəsindən məmnunluğunu ifadə edib. Səmimi qəbula görə minnətdarlığını bildirən cənab E.Zamir mövcud əməkdaşlığın daha da genişləndirilməsi baxımından bu cür görüşlərin və qarşılıqlı səfərlərin vacibliyini diqqətə çatdırıb. Görüşdə Azərbaycan ilə İsrail arasında müdafiə sahəsində əməkdaşlığa dair fikir mübadiləsi aparılıb”, – deyə xəbərdə bildirilir.
