BAYRAQDAR MEDİA – Məlumdur ki, AMEA Mərkəzi Elmi Kitabxanası (MEK) avqust ayından yay rejiminə keçmişdi. Sentyabrın 18-dən etibarən isə kitabxana yenidən adi qaydada – həftə içi hər gün saat 09:15-dən 21:00-dək fəaliyyət göstərəcək.
Bu haqda xəbər BAYRAQDAR MEDİA-ya sözügedən Kitabxanadan daxil olub.
Xəbərdə deyilir ki, “tələbələr, magistrantlar, doktorantlar, eləcə də yaşı 18-dən yuxarı istənilən şəxslər MEK-ə üzv olmaqla kitabxana xidmətlərindən yararlana bilərlər. AMEA-nın nəzdindəki bütün qurumların əməkdaşları, Qarabağ və Vətən müharibəsi qaziləri, şəhid və veteranların ailə üzvləri, eləcə də yaşı 75-dən yuxarı olan şəxslər MEK-in imtiyazlı oxucuları kateqoriyasına daxildirlər”.
Qeyd edək ki, quruma məxsus rəsmi sayt fasiləsiz xidmət göstərməkdədir. Oxucular elektron kataloq vasitəsilə zaman və məkan problemi olmadan Kitabxanaya müraciət edə bilərlər.
