Son yeniləmə: 13 Sentyabr 2023 15:32
BAYRAQDAR MEDİA – Denizli şəhərinin Merkezefendi Bələdiyyəsi tarixi tikililəri gələcək nəsillərə miras olaraq buraxmaq üçün yeni bir iş aparır.
Bu barədə denizli24haber.com saytı məlumat yayıb.
Məlumatda qeyd olunub ki, Değirmenönü səmtində yerləşən və 2007-ci ildə Aydın Mədəni və Təbii İrsi Qoruma Regional Şurası tərəfindən qeydiyyata alınan 158 illik tarixi Hacı Hızır Salih Efendi Evi Merkezefendi Bələdiyyəsinin balansına verilib.
Osmanlı dövründən qalan malikanə təmir və gücləndirmə işlərindən sonra içindəki motivlərlə tarixi səyahətinə davam edəcək. İlkin vəziyyətinə qaytarılaraq malikanədə işlərin qısa müddətdə başa çatdırılması hədəflənib.
