Son yeniləmə: 13 Sentyabr 2023 11:20
BAYRAQDAR MEDİA – Polis məmuru Ramazan Şahini Azərbaycan bayrağına hörmətinə görə Düzce valisi Selcuk Aslan müvəffəqiyyət sertifikatı ilə mükafatlandırıb.
Bu barədə Kırım Haber Ajansı məlumat yayıb.
Bildirilib ki, “Futbol üzrə Avro-2024-ün seçmə mərhələsi çərçivəsində sentyabrın 8-də Eskişehirdə Türkiyə və Ermənistan milli komandaları qarşılaşıb. Oyundan əvvəl üçüncü ölkələrin bayraqlarının stadiona buraxılmayacağı ilə bağlı xəbərdarlıq edilib. Həmin gün Türkiyə polisinin stadiona daxil olmaq istəyən azarkeşlərdən birinin üzərində Azərbaycan bayrağı tapdığı anlar görüntülərdə əks olunub. Görüntülərdə polis bayrağı ehtiyatla qatlayaraq öpərək yanındakı digər polis əməkdaşına verib”.
Məlumata əsasən, Türkiyə polisinin bu davranışı ətrafdakılar tərəfindən bəyənilib, polis əməkdaşları uzun müddət alqışlarla qarşılanıb. Öz növbəsində Düzce valisi həmin olisi bu hərəkətinə görə mükafatlandırıb.
