Son yeniləmə: 11 Sentyabr 2023 14:06
BAYRAQDAR MEDİA – Nobel Sülh Mükafatına namizəd olmuş Psixiatriya professoru Vamık Cemal Volkanın yeni kitabı hazırdır.
Xəbəri Kibris Postası yayıb.
Bildirilib ki, professor Girne Arkın Group Fest 23 çərçivəsində “İç dünyamıza baxış” adlı kitabı ilə oxucuları ilə görüşəcək.
Məlumat üçün bildirək ki, Vamık Camal Volkan 1932-ci ildə Lefkoşada anadan olub. O, Kıbrıs İslam Liseyində təhsil alıb. Son kursda oxuyarkən adı dəyişdirilən Kıbrıs Türk Liseyini bitirib. Türkiyəyə gedərək 1956-cı ildə Ankara Universitetinin tibb fakültəsini bitirib. Türkiyə vətəndaşı ola bilmədiyi üçün iş şəraiti ağır olub və Çikaqoya gedib. 2002-ci ilə qədər, 45 il Virciniya Universitetində dərs deyib. O, 18 il universitet xəstəxanasının baş həkimi olub.
Qırx kitab üzərində işləmiş Vamık Camal Volkan, 400-dən çox elmi məqalə çap etdirib. Psixoloji konflikt və şəxsiyyətlə bağlı çoxsaylı tədqiqatlar və sahə tədqiqatları aparıb. O, psixosiyasi nəzəriyyələrinə və dünyanın bir çox problemli yerlərində sülh naminə fəaliyyətinə görə Nobel Sülh Mükafatına namizəd göstərilib.
