Son yeniləmə: 11 Sentyabr 2023 15:39
BAYRAQDAR MEDİA – Sentyabrın 11-də Azərbaycan müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyevin qardaş Türkiyəyə rəsmi səfəri başlayıb.
Bu haqda xəbər BAYRAQDAR MEDİA-ya Müdafiə Nazirliyindən daxil olub.
“Türkiyə Silahlı Qüvvələrinin Baş Qərargah rəisi ordu generalı Metin Gürakın dəvətilə qardaş ölkəyə səfəri çərçivəsində Azərbaycan Ordusunun Baş Qərargah rəisinin Türkiyənin hərbi rəhbərliyi ilə bir sıra görüşləri keçiriləcək. Səfər çərçivəsində hərbi, hərbi-texniki, hərbi təhsil və bir sıra digər sahələrdə əməkdaşlıq məsələləri müzakirə olunacaq”, – deyə xəbərdə bildirilir.
Əlavə edək ki, bu haqda Azərbaycanın Ankaradakı səfirliyi də xəbər yayıb.
