Son yeniləmə: 11 Sentyabr 2023 10:13
BAYRAQDAR MEDİA – Meliorasiya və Su Təsərrüfatı ASC-nin tabeliyində olan Sumqayıt Melioservis İdarəsi hazırda ölkənin müxtəlif istiqamətlərində meliorativ tədbirlərini davam etdirir.
Bu barədə BAYRAQDAR MEDİA-ya sentyabrın 11-də Azərbaycan Meliorasiya və Su Təsərrüfatı Açıq Səhmdar Cəmiyyətinin nümayəndəsi Dilqəm Şərifov bildirib.
O, qeyd edib ki, İdarənin gördüyü işlərdən biri də Ağstafa rayonu ərazisindədir: “Rayonun Qıraqkəsəmən kəndində, Kür çayı üzərində quraşdırılmış nasos stansiyada abadlıq işlərinin görülməsinə idarənin əməkdaşları və texnikası cəlb olunub. Abadlıq işləri üçün mal-material alınıb və hazırda materialların daşınması və eynilə istinad divarının suvanması və boyanması sürətlə davam edir. Nasos Stansiya vasitəsilə əvvəllər suvarılmasında çətinlik olan 250 hektar əkin sahəsi asanlıqla suvarılacaq”.
O da bildirilib ki, Sumqayıt Melioservis İdarəsi Ağstafa rayonunda iki müxtəlif istiqamətdə, paralel olaraq Qazax rayonunda da meliorativ tədbirlərini davam etdirir.
