BAYRAQDAR MEDİA – Ukrayna Prezidenti Vladimir Zelenski ölkənin yeni müdafiə naziri kimi, Ukrayna Sərvət Fondunun rəhbəri, Krım Tatar Milli Konqresinin nümayəndəsi Rustem Umerovun namizədliyini irəli sürüb.
Öz növbəsində jurnalist Elvina Seytbullayeva Ukraynadakı bu tarixi qərarla bağlı Krım tatar xalqının milli lideri, Ukraynanın millət vəkili Mustafa Abdulcəmil Krımoğludan münasibət öyrənib.
Kırım Haber Ajansının məlumatına görə, M.Krımoğlu bildirib ki, bir müddət onun müşaviri vəzifəsində çalışmış Rüstəm Umerov Ukrayna parlamentində xüsusi hörmətə malikdir. O qeyd edib ki, Ukrayna Prezidenti V.Zelenski bu addımı ilə Krımın Rusiya işğalından azad edilməsi ilə bağlı qətiyyətli mövqeyini açıq şəkildə göstərib: “Rüstəm Umerovun Ukrayna parlamentində nüfuzu çox yüksəkdir. Hamı ona hörmətlə baxır”.
Kırımoğlu: Rüstem Umerov, milletimizin yetiştirdiği parlak bir insandırhttps://t.co/sXGNGZRdmI pic.twitter.com/QuGPU5XsEb
— QHA – Kırım Haber Ajansı (@qha_kirimhaber) September 4, 2023
