BAYRAQDAR MEDİA – Sentyabrın 1-i Ümummilli lider Heydər Əliyevin 100 illik yubileyi münasibətilə Mədəniyyət Nazirliyi, Elm və Təhsil Nazirliyi və Heydər Əliyev Mərkəzinin birgə təşkil etdiyi, “BP Azerbaijan” şirkətinin baş sponsorluğu ilə keçirilən Uşaq İncəsənət Festivalının final mərhələsi başlayır.
Bu haqda Mədəniyyət Nazirliyinin yaydığı xəbərdə bildirilir.
Xəbərdə deyilir ki, “final mərhələsi Bakıda keçiriləcək. İştirakçılar bu mərhələyə keçdiklərini, o cümlədən festivalda iştiraklarının müəyyən edilən vaxtı və məkanı haqqında məlumatları rəsmi internet portalından əldə edə bilərlər. Bunun üçün saytda “Final mərhələsi” bölməsinə keçid edərək iştirakçının qeydiyyat kodunu və ya FİN nömrəsini yazmaq lazımdır”.
Həmçinin bildirilir ki, iştirakçılar festival məkanına gələrkən şəxsiyyəti təsdiq edən sənədi və iştirak məlumatlarının çap olunmuş formatını özlərilə gətirməlidirlər.
